النبي مكنش بيعيش لُه اولاد

Question

كل لما يخلف ولد يموت " عبد الله .. القاسم .. ابراهيم " ماتوا كلهم .

وفي يوم النبي كان ماشي ف مكه .. واحد من الكُفار قاله : يا أبتر .

عارف لما تقول فلان عمل عملية بتر لرجله ؟ يعني قطعها ! اهو دا كان بيقول للنبي يا أبتر يعني يا مقطوع النسل ! بمجرد موتك هتتنسي مع الزمن لان ملكش حد يشيل اسمك من بعدك ! عيالك ماتوا ! ..

النبي كان يسمع الكلمه و يتضايق ويحزن حزن شديد ..

لحد لما ربنا قاله في القرآن :

إنا أعطيناك الكوثر
يا مُحمد انا هعطيك نهر في الجنه ليك انت لوحدك اسمه الكوثر .. محدش هيشرب منه غيرك فمتزعلش

فصلي لربك وإنحر
قوم بقي صلي و استهتدي بالله وانحر " ادبح الدبايح ووزعها عـ الغلابه

إن شانئك
الراجل اللي شتمك

ماله يارب ؟!
قاله :
هو الابتر.
هيجي يوم القيامه ابتر مقطوع النسل ملوش بن يعبره ويسأل عنه ولا عيله تقف جنبه هيجي بطوله ..،كله هيتبري منه ويسيبه .. فمتضايقش يا مُحمد ولا تزعل نفسك .

فرح النبي بالسوره دي جدًا ان ربنا يمكن حرمه من الخلفه لكن عوضه بنهر في الجنه و عوضه بان اسمه يتذكر للابد في الدنيا و يصلي عليه اكتر من مليار بني ادم يوميًا

و الراجل اللي شتمه يتنسي في الدنيا والآخره ! :))

الفايدة: "عوض ربنا دايماً الأفضل والأحسن "...
فاللهم صل و سلم و بارك على اشرف الخلق سيدنا محمد وعلى آله وصحبه وسلم

عليه افضل الصلاة و السلام

Answer 1

الْلَّهُم صَلِّ وَسَلِم وَبَارِك عَلَى سَيِّدِنَا مُحَمَّد

Answer 2

جزاك الله خير ، معلومه جميله وجديده

هل هذا سبب نزول سورة الكوثر ؟

Answer 3

إنا أعطيناك الكوثر
يا مُحمد انا هعطيك نهر في الجنه ليك انت لوحدك اسمه الكوثر .. محدش هيشرب منه غيرك فمتزعلش.

كلام غير صحيح..(بينما نحن عند النبي صلى الله عليه وسلم إذ غفا إغفاءة , ثم رفع رأسه متبسما فقلنا : ما أضحكك يا رسول الله ؟ قال : نزلت علي سورة . فقرأ . بسم الله الرحمن الرحيم . ( إنا أعطيناك الكوثر إلى آخرها ) , ثم قال : أتدرون ما الكوثر ؟ قلنا : الله ورسوله أعلم . قال : فإنه نهر وعدنيه ربي عليه خير كثير , وهو حوض ترد عليه أمتي يوم القيامة ).

Answer 4

سبحان الله اللهم ارزق كل محروم ولاتحرمنا من رؤية نبيك الكريم عليه افضل الصلاة والسلام

Answer 5

قال تعالى
(نَحْنُ قَسَمْنَا بَيْنَهُمْ مَعِيشَتَهُمْ فِي الْحَيَاةِ الدُّنْيَا وَرَفَعْنَا بَعْضَهُمْ فَوْقَ بَعْضٍ دَرَجَاتٍ) .